وين الحمار اللي رح يقدر يهضم الدستور الجديد ؟
وين الحمار
اللي رح يقدر يهضم الدستور الجديد ؟
د.عبد الغني حمدو /باحث وأكاديمي سوري
الكل بيعرف واللي شاف مسرحية غربة في السبعينات وقت اللي سألو المختار للعضو ولك وين الدستور ؟ ألو بالخرج , ألو وين الخرج , ألو على الحمار , ولك الدستور وينو؟ ألو أكلو الحمار ؟ ألو العمه كيف إدر يهضمو ؟
بعد عشرين ألف شهيد وعشرات الآلاف من المهجرين وعشرات الآلاف من الجرحى والمعتقلين , وما زالت كل أنواع الأسلحة تستخدم في تدمير البيوت على ساكنيها , ومحاصرة المناطق وقطع الاتصالات والغذاء والماء والدواء , وقنص كل من يرى , والاغتصاب الممنهج .
يقر هذا المعتوه دستور جديد , ورح يعرضوا على الاستفتاء , ورح يحط فوق كل صندوق صواريخ ودبابات وطائرات , واللي بقول لا . مصيرو معروف , وبعد مينتهي الوقت المحدد رح يشوفوا الصناديق شبه خالية , والموظفين رح ينتخبوا عن الأحياء والأموات , ورح تطلع النتيجة أضعاف العدد المدون في الجداول , بس رح يخجلوا اشوي ويئولوا 99% مؤيدة .
بشار الأسد بالدستور الجديد يحق له الترشيح لدورتين , حيث الفترتين السابقتين ليست محسوبه , فأمامو 14 سنة والمادة الثمانون تقول في حال تعذر انتخاب رئيس بعد الفترتين , يستمر الرئيس في منصبه .
السؤال هنا : من هو الحمار الذي يستطيع أن يهضم هذا الدستور ؟
الجواب بسيط جداً , الدستور الحالي أي القديم يقول يجب أن يكون عمر رئيس الدولة في حده الأدنى 45 أو 40 سنة , وتم تغيير المادة في خمس دقائق , لتفصيل المقاس على الوريث , ليصبح عمر رئيس الدولة 35 سنة .
كأنو المشكلة عندنا في سوريا هو الدستور !!!
أصلاً في سوريا لايوجد دستور ولا قانون , والدستور والقانون أكلو الحمار السابق , وحالياً رح ياكل الدستور الحمار الحالي
لسه امفكر حالو بقدر بحط دساتير وقوانين , يلي هضمتوا الدستور السابق مارايحين تلحقوا تاكلوا الدستور الجديد
الدستور الجديد باذنود الثوار والجيش الحر البطل , جيشنا الحر حامي الحما , في كل بقعة من هيدا الوطن عما ينبت كل لحظة أصل من جذر ونبت جذوره ممتده عبر التاريخ , أيامكم راحت وزمن الوحوش راح .
وازنود الأبطال عما تحفر في هيدا الوطن أساسات عالصخر , لتبني وطن وتبني إنسان وعدل وحرية وكرامة , هدول حتى مابحتاجوا دستور , وإذا كتبوا دستور هو دستور تعاقد بين الأحرار وكافة الناس , والرجوع إلو وقت اللزوم , الأحرار ضميرهم هو الدستور , ودماء الشهداء والجرحى هو الحبر اللي رح يكتب فيه الدستور .
شبابنا عما يبنوا بناء على أسس من الصخر , وبناء هدول المجرمين اتشقق وكل يوم تسقط منو حجرة وعمود هو بالأصل عمود امسوس .
وين رايحين يامجرمي الكون كلو
لساكم عما اتفكروا بالدستور , اللي بلعوا وهضمو الحمار من زمان .
يلا خوتي يلا عليهم.... الله امحييكم ....والنصر بعون الله بيديكم .
