الدنيا ملح وسكر

محمد أبو هشام

الدنيا ملح و سكر

فيها عسل فيها توم

فيها يابس فيها أخضر

إذا إنت قصير و أسمر 

أو طويل وشعرك أشقر

أموالك ما إلها عد

أو فقير كتير و معتر

الدنيا متل الدولاب

أحوالك فيها بتتغير

مرة بيرفعك لفوق

و مرة عالأرض بتتجرجر

ناس بتشكر ربها دوم

و الأكترية عم تتذمر

واحد كافر بالنعمة

و التاني قشطة وسكر

عندي صاحب من زمان 

وجهو كبير و مدور

راح .... ليرفع أثقال 

من ثالث كيلو هرهر

طالبتو مرة بألفين

بلش . .لونه  يتغير

قلتللو لك نحنا صحاب

تحول وجهه للأحمر

فهمتو إني مزنوق

زمجر كتير و كشر

ناشدتو آخر مرة

رفع لي زندو و شمر

قلتللو هَيَّة مزحة

ضحك كتير و تكركر

ياحبيبي شكراً ممنون

و بيتك دوم بيتعمر

الدنيا ملح و سكر

فيها فلفل فيها عنبر

يوم إلك و يوم عليك

عميل للآخرة كل حساب

و المؤمن هوَ الأشطر