عصابة حاكمة لم تترك للشعب حتى سرير نومه

فالجيش سموه جيش الشعب بينما هو جيش الطائفة

والحزب سموه الحزب القائد، فاحتلوه 

ولم نعد نعرف هو يقود من ؟

 اسسوا لنا ٢٠ فرع مخابرات لحفظ  امن العصابة ودحش الشعب في اقبيته 

صنعوا لنا مجلس نيابي سموه مجلس  شعب وهو مجلس حثالة العصابة

كل الانتخابات  تتم في صناديق بلا قعر والنتائج جاهزة في كومبيوتر وزارة داخلية الاسد 

 اتحاد نقابات العمال واتحاد نقابات الفلاحين يجب ان يكونوا مختارين من العصابة مزودين بالشعارات الجاهزة الصنع.

واكثر من هيك استولوا على النقابات العلمية  فاعتقلوا الناجحين بالصندوق الانتخابي  ووضعوا على رأسها عملاء العصابة.

افسدوا طلابنا وخلقوا منهم اتحاد طلاب العصابة

اخترعوا حثالة البشر وسموهم اتحاد شبيبة الثورة

اي ثورة؟  لا احد يدري 

واكثر من ذلك سرقوا اطفالنا من احضان امهاتهم  واخترعوا لهم  طلائع سموهم طلائع البعث 

اشتغلوا بالتهريب   

وشاركوا العملاء 

شو بقي ماسيطروا عليه؟

بيوتنا دخلوها واخذوا اولادنا لمعتقلات لا نعرف في اي معتقل  تحت الارض هم 

ثلاجاتنا وتلفزيوناتنا وجرات الغاز وغرف السفرة والقعدة والضيوف لطشوها

حتى شرطان الكهرباء والجرس والملاعق ودوا الجلي  وبريق مية المرحاض والخرطوم لطشوهم .

زرعوا في بناياتنا مخلوقات سموهم جيران من المخابرات يتلصصوا علينا حتى يعرفوا في اي ساعة ننام وفي اي ساعة نفيق وين رايحين و منين جايين، فافسدوا العلاقة بين سكان البناية الواحدة . 

بالله عليكم شو بقي ما سيطروا عليه؟

وكل ما مر موكب القائد بالشوارع لازم نصرخ بالروح وبالدم نفديك يا اسد حتى تختفي اصواتنا من الصراخ ثم من حسابنا نشتري دوا منشان بحة الصوت   

بقي شي تاني ؟

اجبروا الشعب على هتاف : "بشار اسد قبل الله منعبدوا" واجبروا البعض  على وضع صورتو امامهم والسجود عليها.

ذكرونا يا اخوان ؟

حرموا البلد من رغيف الخبز والسكر والشاي والرز واللحمه والفروج  والسمك والبرغل والخضرة  والفواكه والبطاطا  والمازوت والبنزين والغاز  والميه والكهربا وطلبوا من الشعب الصمود من اجل الصمود ضد اسرائيل 

في شي تاني ؟

عطونا شوية كهربا بس في وقت عرض مسلسلاتهم السخيفة كمسلسلات العكيد.. وباب الحارة.. وشباك الجارة .. 

سألنا ليش؟

قال منشان يثقفونا و يسلونا !.

البلد محتلة ومباعة  مو من دولة واحدة بل من دول وعصابات  ولسه الابله قاعد على تلتها!؟

في شي كمان ؟

نعم في

لم يعد يوجد  في البلد شي اسمو اقتصاد وعليه من الافضل الغاء وزارة الاقتصاد وكلية الاقتصاد  .. حرام يضحكوا على الطلاب ، الا اذا اعتبروا جعل اقتصاد سوريا عبارة عن ممر من بقاع حسن نصر الشيطان  ومصانع مخدرات وتوزيعها على العالم لافساد الاجيال ، فاذا كان هذا هو الاقتصاد الوحيد الباقي لعصابة الاسد؟   فاننا  نعتذر على اقتراحنا بالغاء وزارة الاقتصاد وكلية الاقتصاد

بقي شي تاني ؟

نعم في  

في بعض المكولكين يقولون لك :

بالله عليكم ياشباب ليش قمتوا بالثورة في احلى من هيك رئيس ؟

فعلاً مافي

الم يترك للشعب عشرين صنف معسل؟

في اي بلد موجود هالشي؟

ألم يؤمن لفتيات سوريا السهر حتى الثالثة صباحاً بحراسة ومرافقة  مخابرات بطل الصمود

حتى في الدول الغربية بترجع البنت الشريفة الساعة عشرة  

 فعلاً ليش قمنا بالثورة ؟

بالله عليكم ليش؟

ختاماً : كل الحق علينا ان بقينا متفرقين  ولم نكن يداً واحده 

فحتى لا نندم في المستقبل 

ولا يلومنا اولادنا واحفادنا.

ثورتنا يجب ان تتعاظم

تحياتي

وسوم: العدد 905