حقيقة المسيرات العفوية

اليوم رحت على المسيرة ... طول ما انا ماشي عم شوف النبيحه ماشيين بباصات نقل المواشي " نقل جماعي " وكلون جوا متل الدواب عم يصرخو بالروح بالدم نفديك يابشار .. فقررت اني امشي مشي وانا رايح على المسيرة المبجله بإرادتي بدون ما يغصبني حدا .. بس لغايةً في نفس يعقوب ... حبيت أقرأ بين السطور وأشوف وراء الكواليس اللي عبصير ... سبحان الله كان اول اثبات الفيديو رقم ( 1 ) بيظهر فيه سيارة شبح وقدامها شرطة المراسم وفي سيارات سودا واللي وراهون ماشيين معاهون روسيات ، اما الفيديو رقم ( 2 ) بيظهر فيها سيارات شرطة من غير مدن جاي على حلب ابصر ليش ولكنها وصلت على كل حال ويمكن تكون جايه لحماية قطيعا ... فيديو رقم ( 3 ) بيظهر كيف انو في الشارع الأكثر حيويه في حلب والعاده بكون زحمة كتييييييير بشكل لا يوصف كيف هلأ هو فاضي الا من باصات القطعان اللي عم تصل بشكل متتالي .. بعمرو هاد الشارع ياجماعه ماكان فاضي لازم بهاد الوقت يكون زحمه جدا الا اذا كان يوم الجمعة والسبت حيكون فاضي .. اما يا جماعة الفيديو رقم ( 4 ) قصتو قصه بيظهر فيه الشبيح موجود بمطقع فيديو باللينك اللي ارفقتو بآخر المقال وبتشوفوه بالثانيه " 15" بشكل واضح و " 16 " كمان بسيف الدولة واللي انا شخصياً إلي ثااااااار عندو ولما شفتو يا جماعه ماصدقت ووالله تمالكت نفسي بصعوبه .. نفسو اللي تعرض لأحد شباب عيلة الخوجة واسقاطه ارضاً أيام مظاهرات جامع آمنه ، فيديو رقم ( 5 ) بيظهر كيف انو البلد حركتا طبيعية لكن القطعان كل مامرو بنشوفون كيف بكونو بماااعو بطريقه سيئه جداً ... فيديو رقم ( 6 ) بيظهر على الجسر الي بيربط حلب و الطريق الدولي لحلب وبيظهر القطعان جايين مع الراعيين تبعون من خارج حلب وبرأيي هاد اكبر دليل على انو القطعان مسيرة من خارج حلب وليس من داخلها واللي كان بقلبا وسمع الطريقه الي عم ينحكى فيها رح يعرف انو اغلبون من ضواحي حلب وليست من حلب الشهباء ... فيديو رقم ( 7 ) بيظهر فيه الجيش منتشر على اسطح احد الأبنية وبيراقب بالوضع " قال عفوية قال " ... اما فيديو رقم ( 8 ) التقط من امام مبنى المحافظة وبيظهر فيه كبير شبيحه سيف الدولة مع بعض كلابو قاعدين وابصر ليش ...

برأيي هالفيديوهات بتثبت مين كان بالمسيرة وكيف طالع وليش طالع . بدون مانحكي شي .

الفيديو (١) 

الفيديو (٢)