من أخ مناضل إلى أخيه الصامت
ابن الكرخه الاحوازي
ليش نايم ما تفز من الصبح
اوتگعد تصلي او تأذن للفجر
او ليش ما تنهض تزيل انته الظلام
او ليش متخاذل و متحمل قهر
او ليش ترضي بالعدو يأمر عليك
او هوه يأمر ونته طايع للأمر
ونته تدري هو محتل للوطن
اشلون تتجامل اوياه او تنصهر
******
تدري بالجزار ما يرحم الشات
لا تأمن الذيب اهو طبعه القدر
لا تأمن الفارسي او تعطيه امان
بس تأمن بيه يطعنك بالضهر
هوه تاريخه امشبع بالخداع
او كل شغلته بالخيانه او بالمكر
ونته لا تصبر على الذل و الظلم
گوم ثور او خل ثورتك تنتشر
********
گوم ثور و اعلن انته الثورتك
او لا تضل كل وكتك انته مندثر
او موش بس نيسان تعلن ثورتك
سوها ثوره او خل ثورتك تستمر
او لا بحي ثوره و تخصلك هم مكان
او لا تخليها بفرد حي تنحصر
انته ثور من الجنوب او للشمال
وعلگ النيران بارجاء القطر
سوها ثوره او ثور ضد الاحتلال
او زلزل الاحواز خلها تنفجر
*********
زلزل انته الگاع و ارهب للطغات
وخل جثثها امشمره فوگ الجسر
ونته صيح بصوت حي اعله الجهاد
و خل تجيك الخيل وي طلت الفجر
گوم شد حيلك وعلنها حرب
و خل دفنها يصير كل ميه ابگبر
ونته هذا اليوم يومك يا بطل
ليش صابر عل ظلم كل هل دهر
او ليش صابر تخضع الجور الزمان
او ليش ساكت گلي انته اشمنتظر
********
موش خلص كل وكتنا احنه ابتعب
او مابقى اسويعات يخلص هل عمر
گوم ساعدني نحرر هل وطن
لا تگلي اصبر تراه مر الصبر
احنه ملينه الصبر و الانتظار
او ما كمل التسعين عافانه و هجر
اشلون ترضى العدو يحتل ديرتك
او غصب كل گاعك و ما ظلك شبر
ونته تسمع بالوطن هل يستغيث
شنهي عذرك منه گلي اشتعتذر
********
ليش ما تنهض تساعدني ابكلام
و انه هاي اسنين اناضل مستمر
گوم خل نتساعد نرجع الوطن
و الوطن مبيوگ باگوه الغجر
ونته نايم ما تحرك لك سكون
و انه مامرتاح گاعد عالجمر
گوم خل انثور نهزم للعدو
او يندحر مهزوم للخيبه يجر
بس نثور نزيل كل الاحتلال
ونرجعه التاريخه الاسود و الفگر
**********
گوم شد حيلك او ثور اول نهار
او لا تضل نايم تراه الحد الظهر
و الدفاع اعله الوطن اكبر جهاد
و اليجاهد لازم ايحقق نصر
و انه صابر و انتظر منك جواب
و انه اريدن منك اسمع فدخبر
بس تصيح بصوت هيه يا رجال
كلها منتظره تدگ ساعة صفر
**********
انته تدري الليل كله عيب انام
او للصبح گاعد او كاتلني السهر
و انه هاي اسنين ناطر صولتك
ونته ما حنيت گلبك من حجر
گوم شد حيلك او هوس هوستك
او لا تخلي عداك نايم مستقر
گوم ثور او خل جثثها امبعثره
او خل جيفها الحوم ياكل و النسر
*********
سوها مرتع للذئاب او للنسور
او خل شلاها امطفحه بجراف النهر
ايدك او متنوش اضغط عل زناد
لاترحم انته اعداك لازم تنتصر
لو بطل الرشاش لو تخلص فشگ
كون بالسكين تنحرهم نحر
اهجم اعليهم او حط بيهم رعب
او گلهم انه الموت لا وين المفر
انته گدها و انه اعرفنك غيور
و المبلل ما يهاب امن المطر
