كان يا مكان

عبد الحميد عبد العاطي

Pal_one_1@hotmail.com

نص نهار وربع الليل

وأنت بتحكي بالسياسة

ومعلومك فتنكي وقاعد

ومزهق لسانك

وحالك مل أقوالك

مرة بالشارع مع فلان

ومرة بالسيارة ضد الخرفان

ومرة بالبيت يعلن ابو السكان

ومرة قصة نسوان

ومرة عند الجار بتناقش قرار

تقول إذاعة أخبار

قرفنا الكلام وكثر الملام

مرة مقاومة ومرة سلام

وفلسطين صارت فكرة

برسمه وكتاب للذكري

والاحتلال مشروع وحوت

وصار الكل بدو يموت

عايشين لنقول صامدين

وإحنا بالأصل تايهين

مجرد شعارات بتنفخنا

واحد ملثم بخوفنا

ودبابة بنقبلها بحجر

وكل وقتنا بنقول قدر

صابرين وإحنا نايمين

والسهر قتل السهر

وخطتنا للحاضر  ملح بحر

بكره بتروق وبنخلف حقوق

ما تقلق سياسة بندوق

دولة ومطار في ظل حصار

وأيام زمان وسكرة حنان

وكله كله كان يا مكان