رسالة شهيد
محبوبة هارون
يا عمرو هاشم ربيع مش كان ربيع عربي
اليوم لسانك سلاح مسلول على دربي
إزاي تحلل دمائي دا ماجاتش م الغربي
إزاي ما هزكشي موتي لما انقضى نحبي
وأنا كنت شايل شهيد وهو دا ذنبي
فين الخجل م الإله لما انشوى قلبي؟
لما اتحرقنا يا عمرو في المركز الطبي
قتلوا الجريح قبل حرقه
شفته دا كان جنبي
أرقام بقينا ياعمرو ، وشوونا في اللهب
حتى اسأل الجرافات عن كام شهيد صحبي
عايزين جثثهم وشكرا
ياريت بقه تلبي
لو مش ح تقدر تساعد أرجوك تكون سلبي
بلاش تقدم حقايق معجونة بالكذب
دنيا غرورة بتسحر باللهو واللعب
بتقولي ليه تعترض احكي عن السبب
إرهابي قلتم يا مخرب وبتنكروا نسبي
ارهابى برضه ياعمرو تحلف أيا عجبي
صوت الرصاص كان فى ودنك أحلى من الطرب
حولتوا ليه اعتصامى وكأننا فى حرب
وأنا كان سلاحى ايمانى اخلاصى كان حسبي
لكن دمائي وقود حرية الشعب
وبتسخروا من نقائي في عالم الصخب
رايح تبرر جرايم، طب يا أخي خبي
لما ابتُليت استتر كن ناصع الثوب
البوم محاصر سمانا كن خارج السرب
لو هاشم اليوم معانا، كان قال: دا مش صلبي
كان قال مش ابني وآسف أعلنت عن غضبي
أشكوك يا عمرو وفريقك، أشكوك إلى ربي
إليه أشكو أذاكم وإليه منقلبي
في الرأس في الصدر كان البدء بالضرب
يا ريت تعودوا بقه دا الحق كالشهب
بتظلموا نفسكم ذا أتعس الكسب
الرزق شايفه حرام، عايشين على سبي
بيكم ربيع العرب والعدل في الكرب
معدش حق لبشر ولا حتى للكلب
أصبح ربيع العدا مبقاش ربيع عربي
غصنا في بحر الجدال ما أبشع الخطب
طول عمرنا عشنا واحد في البعد والقرب
مسلم مسيحي في مصر في سوريا في حلب
بتفرقونا حارات في الموقف الصعب
أرجو دمائي تكون بحرا من الحب
عايز كرامة وعيش، والعدل دا طلبي
يا عمرو هاشم ربيع مش كان ربيع عربي؟!!
عن الشهداء: الشهيد عبدالله حسن البنا
