ألف تحية لشهداء اللاذقية
د.عبد الغني حمدو /باحث وأكاديمي سوري
ألف تحية للشهداء في اللاتئية
واللي عطروا بدمهم طريق الحرية
انتوا وحدكم يابعد عيني
وباقي الناس خرفان منتظرين عليقة تبن
فيها اشعير والا فيها شوفان , هي بتكفي بتشبع الجوعان
لكن بعرفكم ارجال وأدها وأدود , مالها علاقة بالقدود الحلبية
فقط في الجنوب هناك ارجال متلكم درعا الحبيبه
الله يقويكم ويحميكم وينصركم
شفتوا المنافقين امبارحه واليوم برقصوا على قبور الشهدا في درعا واللاتئيه
متل مارقصوا قبلها اكتير , وقت اللي اندبح ناس اكتير في حماه وحمص واللاتئية
هذا قدركم ياابطال مارضيتوا لنفسكم اتكونوا عبيد لبشار وحراميتو
طريق الحرية ياأبنائي غالي اكتير
وطريق الجنه بدو عزه وكرامه ونخوة
وطريق الذل وجهنم الحمرا بيحتاج نفس الدرب لمجلس الشعب
شفتوا يبعد ألبي
كيف هاي الحرة الأصيلة واللي ماخافت
لامن اكلاب النظام وهجمت بين كل الرجال
وصلت للمجرم وما قدرت غير اتؤلوا اتفوو
أكيد صارت شهيده
أكيد افترسوها الكلاب والذئاب والمخنثين تع المجلس
بهزوا اكتافهم وفرحانين
فرحوا بمقتل الأطفال والنساء والشباب
بس منشان خازوق يشبع خنوثته اللي هي هيا
مابظن حد رح يتحرك معكم
مابظن حد رح تيجيه الغيره وينصر أهل درعا وانتوا
هالوطن مالو غيركم
اصبروا وشدوا الهمة والعزيمة
وأكيد الله رح ينصركم
واتركوا الخرفان للنظام ياكل منها غدوية وعشوية
بلكي بيجي يوم بتصيب حدا منهم طفره
وبتحول لبطل بصف معكم
الله ينصركم ويقويكم
ويجمعني فيكم عتراب اللاتئية
بعد مصار الطريق سالك
واتنور بدماء الشهداء من أجل الحرية
