كلام اهلنا الجميل

كلام اهلنا الجميل...

عبارات المجاملة تجرى على السنتنا بدون ان نفكر فيها..كما ورثناها من الاجداد والحبوبات ...وهى عبارات وردود عليها محفوظة تطيب الخاطر وتوثق العلاقة وترفع الكلفة...دعونا نتذكرها ...اتفضلى والرد عليها ..انتى الفضيلة...حاضر ..تحضر ما تغيب....النقدمك..قدمك لأبو ابراهيم...ياحاجة ..تحجى لى بيت الله..سلامتك ...تسلم من كل شر..سائلة منك ..يسأل منك الخير...وعند عدم الوقوف للسلام على القادم يقال له ..أعز من القاعد ..او..القومة ليك....يلا هاتو ما عندكم.... المقدم ما موصل .. حبابك اتفضل لي جوه ..الماعندو كبير يشتري ليه كبير ...

نافذة على ايام الزمن الجميل ..

موسيقى مقدمة البرامج زمان كانت مميزة وجميلة...مثلا موسيقى مقدمة برنامج جريدة المساء...موسيقى مقدمة برنامج عالم الرياضة -يوم الجمعة بعد الصلاة-كنا ونحنا اطفال بنشبه الموسيقى دي باغنيه قاطعنها برانا بتقول:فاااطنه بت الفكي شالت بستلتي..لانو اللحن والايقاع كان على نفس الوزن دا...فارجو من البتذكر اصل الاغنيه بتاعة عالم الرياضة يدلني عليها...طبعا اكيد بتكون حقة فنان او عارزف عالمي زي مثلا مقدمة برنامج الصلاة الطيبة الموسيقية كانت احدى مقطوعات جيمس لاست وموجوده ع اليوتيوب...ومقدمة برنامج سينما سينما كانت اغنية هاي هاي اام ا بيرد ان ذا سكاي..لفرقة اي بي بي واي....ومقدمة برنامج عالم السينما الهندية المشهورة هي اغنية هوا هوا للفنان الهندي حسن جانهكير...اتذكر قبل سنتين في السعودية شغال معانا هندي مفتح وبعرف عربي كويس..لحسن حظي موسيقى عالم السينما كان بعزفوها ف ختام الحفلات فلقيتها ف النت...قمت سمعتها لبشير الهندي دا وقلت ليهو عايز اسم الاغنة دي..فطوال وراني اسمها ومشت لقيتها في اليوتيوب :

ان كان في عبارات ومقولات تردد كثير

سنه يا انا....

حلوقك ابو الشهيق قطع روقك

الكظب_بالظا زي زمان ما بالضاد- حرام والقبر قدام والكفن جديد والسرير حديد

لق لق لق

بيبسي بارد....في حالة احرجوك بقولوها ليك

قدرك ولا لحم سدرك

يلا يدكم معانا .............نبقيهو زي بوست الامثال السو را....زي:

دانية