علمني ياجد
20تموز2017
علمني يالا يا جد
إيه اللي علينا بجد ؟
الغنى بقى ماله حد . .
وفقيرنا حيله اتهد
علمني وقولي ياغالي
أزاي أنا أقول موالى
وبكل حى ودرب
زرعولنا مليون سد
حتى أحلام الغناوي
بنلاقيها شكل تاني
حزنها كحلة عيون
والدموع على كل خد
قول وعلمني ياجد
والصراع كل غزو
نفسي افهم الحقيقة
لاجل اهدم كل سد
الصراع بقى كله سباق
بص شوف غزة وعراق
قول مين سكران وفاق
ليه مابتقوليش بجد ؟!.
وسوم: العدد 729