خبط لزق – 13 –

هل اختلت المعايير حتي أصبح التزوير هو الأصل الأصيل. وأصبحت «النزاهة» استثناء نادر الوجود?!!

إن ما حدث في انتخابات نقابة المحامين يؤكد أنها حقيقة لا خيال ولا كذب فيها, فالمقطوع به أن قائمة لجنة الشريعة نجح منها 22 من  24 . وهذا هو الحجم الطبيعي لهؤلاء.. ثم أسقط منهم سبعة لصالح قائمة عاشور, وما حدث يعد خطيرا جدا» لأنه سيفقد المواطن الثقة في أي انتخاب... أيا كان المشرفون والمراقبون عليه.. فقد ثبت أن السلطة التنفيذية أقوي بكثير من أية سلطة أخري.. والغاية عندها تبرر الوسيلة.. وإذا مات الضمير, وعميت البصيرة فقل: علي مصر السلام.

تعليقات

*. تعريفات: نزاهة الانتخابات طلب «مستعجل» يموت بالطوارئ.. العدالة في مصر: معناها: أن تمشي «عًدًل».. طوالي وتكون في حالك, القانون آلة موسيقية لا يلعب عليها وبها إلا حكامنا.

*. بين مسطولين:

- بيقولوا: في انتخابات نقابة المحامين نجح 22 من قائمة الإخوان, لكن الحكومة طيرت منهم سبعة.

- طيب.. دي حاجة كويسة.. حد لاقي يطير وببلاش كمان?

*. بين صديقين:

- ليه المحامين بيلبسوا أرواب سودة?

- طبعا حزنا علي الفقيد.. والفقيد هو القانون.

*. بين مسطولين:

- صحيح في كل محكمة قفص?

- آه.. طبعا..

- طب لازمته إيه?!

- علشان يوقفوا فيه المتهمين أثناء الجلسة.

- طب افرض إن مفيش متهمين?

- خلاص يسيبوه فاضي.

- طب ما يربوا فيه فراخ أحسن...

- ما تفرقش كثير.. الأحسن يربوا فيه سمك.

*. وبينهما:

- الظاهر الراجل ده حيرشح نفسه.

- اسمه إيه الراجل ده?

- اسمه «يات».. بيروح لناس كثير..

- صحيح أنا باسمعهم بيقولوا: «جينا» «يات» «جينا» «يات».

*. وبينهما:

- أنا عندي حل لخناقات المحامين في الانتخابات..

- إيه هوّ.. يا تري?

- بدل الانتخابات يفتحوا لكل محامي محكمة.

*. وبينهما...

- ابنك عبده المحامي حط صوته لمين?

- لا.. والله.. ماحطش صوته لحد.

- طب ليه?

- لأنه قام الصبح لقي صوته «محبوس».

*. وبينهما:

- أنا باسمعهم يقولوا: وراء القضبان.. هوّ إيه ده اللي وراء القضبان?

- أنت مسطول?? طبعا بولاق الدكرور.