خربشات وهذيان على جدار يوم الارض ثلاثون اذار

خربشات وهذيان

على جدار يوم الارض ثلاثون اذار

بيوم الارض اذا بعدكم متذكرين ..

شهداء سته سقطوا برصاص المحتلين..

معهم صبيه مثل الحبق والياسمين..

وصبي من الجولان ارض السورين..

30 آذار يوم انطلقت الشراره من اهل الجليل.

.ترعد في رام الله ونابلس والخليل..

من دير حنا وعرابه وسخنين..

سرقوا الارض ..

وحواكير العنب والزيتون والتين..

وسنابل القمح الملونة بزهر القرنفل والياسمين..

وسط زحف الجمهور وهدير الرعد في العيون..

دب الرعب ببني صهيون...

هجموا المشفار غفول بالدبابات والمشتراه بالخيول..

يصدوا قلوب بحب الارض عمرانه..

وبلقاء الله شهداء رضيانه...

وبين كر وفر بالميدان ..

الرصاص لعلع بالجو حميان

يحصد نساء ورجال

حب الارض جمعهم بالمكان والزمان

وسط امه من الطرش والعميان

..وبان الحقد وظهرت العنصريه..

بصدر خديجه وحسن رصاصات غدر

رسمت على خريطه الزمن معاني جديده

وغسل تراب الوطن دم حضر ورجا..

يسجل للتاريخ صفحات مجيده

وخير بين النجوم علا..

يكتب بانينه نحن باقون هنا

ووحد رافت بدمه فلسطين بالجولان..

وسؤال كبير طرحه بين دفات البشريه

 وين الديمقراطيه وين

وحقوق الانسان لمين

ومرت سنين وراء سنين..

واهل الجليل مثل اهل فلسطين..

منتظرين..

جيوش العرب ..وفيالق المسلمين..

تنتهي من تحرير الكويت واحتلال العراق ..

وثورات ورا ثورات..تسلم الخلق والعباد.

.وارض العرب من من نجد اليمن

من مصر الى تطوان

لاصحاب الحق والديمقراطيه..

الانجليز والفرنساويه وورثتهم الامريكان.

.وكل ما في ماضينا وحاضرنا كان..

ليمشي بين الخلق نتنياهو فرحان..

يقصف بقتل ما بنهان..

ومستوطنيه..قطعان وراء قطعان..

بنتهب بتغتصب حقول العنب والرمان..

سته وثلاثين سنه ..سنه تنطح سنه..وارضنا مستنزفه..وخديجه بقبرها بتصرخ وينكم يا هلي..وبعدها دلال وايمان وايات ووفاء..نادوا بدمهم..طال الانتظار...

تغربية حكايتنا..وراء تغربيه..وكل يوم الارض بتوقع بمصيبه...والغريبه بالامر والموضوع...كل ما توحدوا علينا الصهيانه والمتسصهينين..ازددنا فرقه..وشرذمه...مثل بالمهانه للعالم العرب صايرين...وكل ما قلنا لهم غراب..هذه المفاوضات..والانظمه والثورات....قالوا عنزه ولو طارت

ولسان حالنا بيقول...الله بعين....لا توفيق فينا عاد ولا زياد..ولقمة بغداد..بقول كم اجتمعوا ا في قممهم..لايام عده..وحلمنا بعروسة بحر..فاذا بالمولدة مثلكم قرده..