كنا عايشين

اعزائي القراء 

هذه مسرحية  تحكي سلبية الشباب وركونهم للحياة العبثية تحت سياسة غسيل الدماغ التي يتبعها نظام المجرم الاسد عن عمد ، حتى تصل الامور بالشباب ان تتخلى عن واجباتها الاساسية بينما يحفظون اسماء اكثر من ٥٠ مطعم  وأكثر من ١٠٠ صنف من المعسل واي مقهى في كل حارة من حارات مدينتهم يوجد. ثم يقول المتسكعون على ابواب الوكر الجمهوري : 

ولاك ليش هالثورة .. والله ياشباب  كنا عايشين ؟

تعالوا معاً نقرأ الواقع المر الذي قاد شعبنا الى طريق الثورة ولامنجاة من القهر والظلم  الا بنجاحها.

****

استيقظ سعيد قبيل الغروب بساعة وقبل ان يغسل وجهه اخرج هاتفه الشخصي ليكلم أصدقاءه  بينما زوجته تطالبه بتأمين الحاجات الضرورية للبيت فيتجاهلها قائلا : كم مرة قلتلك لاتفتحي سيرة الشراء بعد نص الشهر ..الجزدان فاضي عل اخر فهمتي .. و إلا أعيد .

 ثم  يتصل بأحد أصدقائه: 

 مرحبا ابو صطيف لسه نايم قوم فز تحرك شوف  وين اليوم راح نسهر .؟

ابو صطيف :

 اخوي  سعيد قبل السهرة قول وين منا  نتعشى، انا رايح اتصل بأسعد وكمال وعادل وصبري اخود رأيهم .

رايح أحط الشلة عالخط  هيك احسن منشان اخود رأيهم مع بعض حتى مايختلفوا متل كل مره  ، بس  سعيد لاتنسى تعبي السيارة شي كم لتر بنزين حتى ما ننقطع متل هديك المرة... 

لاتخاف الشباب راح يدفعولك حق البنزينات

سعيد: عا راسي.

 يتصل ابو صطيف  بالشلة: 

شباب  قرروا وين بتحبوا نتعشى  اليوم رايح اعطيكم الأسماء وأنتو نقوا المطعم على كيفكون اكتبوا عندكون:

 مطعم بيت جبري 

مطعم أبو العز 

مطعم  الزين 

مطعم الصافي 

مطعم الشرق

مطعم الفيصل 

مطعم الركن الفرنسي

مطعم ريجنسي

مطعم ابو زاد 

مطعم باب الحارة

مطعم حارة  الضبع

مطعم القرية

مطعم الريان

مطعم قلعة دمشق 

مطعم الفور سيزون

مطعم ست الشام 

مطعم قاسيون

قرروا ياجماعة بس بالطريقة الديموقراطية ما منا خلاف

 بعد التشاور قرروا يختاروا  مطعم الصافي لانو مشهور بالسمك  والفروج والبروستيد 

يكمل ابو صطيف:

انا راح اختار الحلويات بس ما حدا يعترض راح نروح على محل

حلويات السلطان حلوياتو ممتازة عندو  النمورة والبقلاوة وكول واشكور  وهريسة بتاخود العقل !

اتفقنا شباب.؟

طيب  شو القهوة اللى بتعجبكون  

بتحبوا نروح:

مقهى 

Al Nawfara

و الا مقهى

Al kamal coffe

و الا مقهى 

juliadumna

من ناحيتي انا بفضل مقهى النوفرة 

فيها جنس لطيف بياخدوا العقل 

اتفقنا شباب ؟

يعلن الشباب موافقتهم 

يتابع ابو صطيف 

بقي شغلة وحده 

المعسل اهم شي  المعسل لازم تختاروا من هلأ حتى مايخربط الجرسون 

 في عندكون معسل : 

العلكة و علكة ونعنع. تفاحتان. اسكندراني. علكة وقرفة. تفاح مصري. علكة مستكة. تفاح ملوكي. فانيلا. بطيخ. فواكه. بطيخ ونعنع. فخفخينة. الكيف. فراولة. بلومكس.فراولة بالحليب. بلوبيري. كرز. برتقال. كرز وعنب. برتقال  ونعنع. كرز ونعنع.برتقال بالقشطة. كاكاو. برتقال وكولا. كبتشينو. باونتي. مشمش. تفاح. كيوي. كيوي نعنع. مواردي. كيوي ليمون. مشمش. ليمون. الملوكي. ليمون ونعنع. تفاحتان بالنعناع. توت. موز. جوافة. موز بالحليب. جوز هند. جيفارا. ورد. 

خوخ. ملبس. رمان. سوس. هيل. شوكولاتة. شمام. عنب. عنب وتوت. عنب ونعناع.

 يالله شباب  راح الوقت قررتوا؟  ، كل واحد ظبط  حالو؟ . ..اللي جيبو فاضي  من هلأ  يدبر راسو و يتدين كم قرش من رفيقو .. ما حدا يجي وجيبو فاضي.. من اولا اهونا

سعيد راح يمر علينا بالسيارة بعد ربع ساعة بس لازم ندفعلوا حق البنزينات مافي حركات متل كل مره..

يالله شباب منشوفكًن... سلام.

اعزائي القراء 

هذا نموذج من كثير من شبابنا غسل الحيوان أدمغتهم وغدوا دمى متحركة تأكل وتدخن الارجيلة وتلعب الورق للفجر ويناموا حتى العصر . 

النظام يريد هذه النوعية وعمل عليها خمسين عاماً ليخرج هذه  النوعية من شبابنا مغسولة الدماغ عل اخر  تعمل على الروموت كونترول لكن  : 

زر السياسة منزوع ...زر طلب الحرية منزوع ..زر استرداد الكرامة منزوع .. زر الإبداع منزوع.. زر العلم منزوع. . زر الأخلاق والعقيدة والعروبة منزوع..  وزر الوطنية منزوع .والزر الوحيد الذي يعمل هو زر الاسد وزر السهر حتى الفجر  وزر النوم حتى العصر واقنية الفساد والإفساد 

وبالروح وبالدم نفديك يا اسد 

وبعد ذلك يقول المحبكجية 

 ياجماعة والله كنا عايشين ليش قمتوا بالثورة؟ 

ولاك ياجماعة... مو منا ثورة واحده ..منا الف ثورة حتى نغسل أدران هذا النظام الحيواني. 

فإياكم ان تتخلوا عن ثورتكم  من اجل اولادنا

 واحفادنا وحتى لا نقضي أيامنا  وليالينا متسكعين 

على هامش الحياة

تحياتي.

وسوم: العدد 874