وظائف خالية في التمرد
خليل الجبالي
رأني فأقبل علي مسرعاً بالسلام ، نظرت إلي وجهه فلم أستطع تحديد شخصيته من أول وهلة ، فقد رأيت مثله من قبل ، بادرني بالسؤال : ألم تعرفني يا بيه ؟
قلت له : معلهش مش واخد بالي ، أهلاً وسهلاً.
قال : أنا فلان .. وعرفني بنفسه ... فنظرت إليه من أسف إلي أعلي لأتذكره، فقد تغيرت معالمه.
فلم يدع لي فرصه للتفكير، فقال : تغيرت كثير ، صح؟
قلت نعم : وما مهنتك الآن، بسم الله ماشاء الله باين عليك شغال كويس .
قال : متمرد.
قلت : نعم؟!
قال : شوفت الصياعة لها عوزة إزاي؟
قلت له : فهمني يا متمرد !
قال : أنت عارف يا باشا ليس لنا شغلة ولا مشغلة إلا التسكع علي خلق الله ، وربنا كرمنا بعد الثورة بنشتغل مع الثوار ، أكلة هنية ، وعيشة راضية ، وهدمة جديدة، وفلوس سخية، وربنا سترها معنا والحمد لله.
قلت له: آيه الحكاية؟
قال : كنت بروح مع الثوار بتوع الجبهة باخد إللي فيه النصيب ،
والأيام دي طلبوني أشتغل متمرد ، ألف علي الناس في الشوارع وأمضيهم علي ورق، وفي أوقات بنروح علي الوزارات بنطالب الوزراء يمشوا ، وأخر اليوم بيكرموني كويس.
قالت له: بتاخد كم في اليوم ؟
قال : وجبتين أخر حلاوة ، و200 جنيه في اليوم، وأعطوني طقمين ملابس تمرد، هو أنا أفتري؟ ، أحسن من السرقة والصياعة في الشوارع : مش كدة أحسن يا بيه.
لم أستطع الرد إلا أن هزيت له رأسي .
فأشار بيده إلي وقال: سلام بقي يا باشا أحسن أتأخر عليهم ، سلام .
والله شغلانه حلوة ، جبهة الخراب بتحل مشكلة البطالة ،الفلوس كتيرة، والشغلانة بسيطة ، ما عليك إلا أن :
ـ تقف في المظاهرات تعترض علي الوزراء الجدد الذي يريدون تطهير وزاراتهم من الفساد والمفسدين ، وتطالب بإقالتهم ، وتعتصم أمام الوزارة ، وممكن يطلبوا منك تقتحم مكتب الوزير وتعسكر فيه ، وتقول جملة بسيطة [ مش هانمشي ، هو يمشي ].
ـ تظهر في وسائل الإعلام ، وجبهة الخراب سوف تتفق مع الفضائيات علي ذلك، وتقف وتقول : كفاية أخونة بقي ، الإخوان خربوا البلد، إحنا كفرنا بهم ، طول عمرهم إرهابيين، بديع وخرفانه هايولعوا مصر، وتقف وتقول :[ إمش إمشي يا بديع إنت وحبة القطيع].
ـ تتظاهر في التحرير ، أو أمام الإتحادية، أو أي مكان تحدده جبهة الخراب ، وترفع صوتك وتقول : [مرسي ثبت فشله، مرسي ضعيف، اليد الضعيفة لا تبني بلد، مرسي باع مصر ، مرسي لازم يمشي ، إحنا بنسحب الثقة من مرسي ] سهلة دي .
ـ عندما يفكر وزير الداخلية في التدخل لفض المتمردين ، مطلوب منك أن تقف أمام بيته وترفع الملابس الداخلية ) وما تخفش ما في حد هايقدر يعملك حاجة ( وتقف وتقول : [ لا لأخونة الداخلية ، لا للطوارئ، لا لكبت الحريات ، الوزير لازم يرحل].
ـ عندما تحدد جبهة الخراب أيام معينة للتظاهر مثل 17 مايو أو 30 يونيو أوغيرهما، مطلوب منك الحضور من بعد الظهر وترفع لافتات تطالب برحيل مرسي وترفع صوتك زي كل الناس، [وماتخفش الشرطة هاتحميك ، حتي لو خدوك القضاء هايفرج عنك]، وهتلاقي كله مع كله ، يعني البنات مع الولاد، ما في فرق بينهم ، وخد راحتك كمان معاهم ، ولو مزاجك عال العال ، هاتلاقي كيفيك موجود ، وخد بالك سعر اليوم ده يتضاعف أجره ، يعني اليومية ب500 جنيه.
ـ لو أنت بقي لسانك زالف ، وبتعرف تحط كلمتين علي بعضهم هاتبقي متحدث رسمي لحركة تمرد ، أو ثورة 30 يونيو القادمة ، والإعلام هايدور عليك ، وتعمل مقابلات مع مني الشاذلي وجيهان منصور وعمرو أديب ووائل الإبراشي، أو المذيعات بتوع CBC والحياة والنهار وغيرهم.
ويابختك يا متمرد ، وظيفة بسيطة ، وسهل التدريب عليها ، وفلوسها كثير .
فهل تحتاج إلي وظيفة؟
كن متمرداً.
