تسلمي يا أمورةْ
22كانون12012
فراس حج محمد
تسلمي يا أمورةْ
فراس حج محمد /فلسطين
اتخيلتك عندي يوم
عم مشط لك شعراتك
واختارك حلو ثيابكْ
وقبل ما تروحي شغلك
أفتح لك باب السيارةْ
*****
ولما تجي أنتظرك
نتمشّى بأحلى مشوار
وتحطي إيدك في يدي
نقطف زهر بعطر سرارْ
نمشي ونغازل الورد
وتغازلنا العصفورةْ
*****
نجلس نحكي بشي مكانْ
عن حلم الفجر الولهانْ
وغني لك غنوة حبْ
ع دقة لحن الصبوحةْ
وتكتب لك روحي أشعارْ
ونحكي قصة وفزورة
******
ونحلم بعالم تاني
كله حب وأماني
وقل لك قلبي "بحبك"
تسلمي يا أمورة
تسلمي يا أمورةْ
