أمثلة عن جهاد العرب في سورية
أنا شاب مسلم ولست مختص ولكني سأتكلم على قدر علمي.والمقالة تحت كلامي
النبي صلى الله عليه وسلم قال إذا أتاكم كريم قوم فأكرموه .وأكرم ما عندنا نساءنا
والنبي قيل أنه قال أكرموا عزيز قوم ذل -أو ارحموه- فهل هذه رحمة أوقضاء شهوة ؟
الله تعالى يقول إن استنصروكم فعليكم النصر .ولم يقل فعليكم النكح . ويقول إنما المؤمنون إخوة فأصلحوا .ولم يقل فتزوجوا
أنا عمتي أستاذة ديانة في السعودية وكانت تجي لعندنا كل صيف لتحشي عقولنا دروس من الفقه الوهابي وخاصة العقيدة .أوعا تنكر أنو قاعد ! ووين قال الله تعالى أنو قاعد في القرآن أو السنة ؟ أوعا تنكر أنو ألو عين ويد وأوعا تقول أنو القرآن مخلوق لا لفظه ولا حروفه مع أنو الله بيتكلم بحرف وصوت ...الخ .وكمان عقيدة البراء والولاء
قلت لعمتي مرة اليهود أذكى منكن .زعلت وقالت ليش ولاك .قلت لها لمن شافو التطور العلمي ولوين وصل العلم غيرو بعقيدتهن كثير لأنو فهمو أنو الله تعالى فوق علمهن وفوق تصورهن .أنتو بتقولو أنو الله كتب التوراه لموسى بيده هيك بظاهرها بس اليهود لمن ساوا فيلم موسى شوفي شلون فرجو المشاهد كتابه الله للألواح .بالازر إي بجهاز الازر والأشعة القادمة من السماء لأنه أحدث ما توصل له العلم وفي المستقبل إذا العلم بيتوصل لشي أقوى وأعجب من الازر رح يغيروا قطعا طريقة الكتابة ويستخدموا أحدث اللي ابتكروه وهلما جرا .والله سبحانه فوق ابتكاراتهم بلا نهاية .يعني باختصار أنا مسلم وما عندي مشكلة بعقيدتي والله ما أمرني بأكثر أنو آمن بالقرآن وبالسنة وفقا لعقلي اللي زودني فيه وإذا طالبني أنو أفهم فوق الآلة اللي زودني فيها فكأنه اعطاني سيارة وقال لي اعبر البحر أو طير في السماء .أنا مؤمن ومؤمن أني أصغر بكتير أنو أتكلم في صفات ربي وكل هل الحكي اللي عم تحكيلنا اياه عن العقيدة والصفات كل سنة مافي منو فايده وعيب عل الصغير يوصف الكبير فكيف رب العالمين
اللي كان بهمني من حديثها عقيدة الولاء والبراء هي عجبتني بس جينا عالثورة وهون حطنا الجمال وإذا الشغلة كلها حكي بحكي صرلنا سنة ونصف عم نذبح ولا في ولاء المحبة ولا ولاء النصرة ولا ولاء الشفقة .عفوا هي ظهرت بنكاح كريماتنا القاصرات ...!!!!!!!؟ والله عيب .ولا شيخ سمعناه عم بندد بهذا ولا ينصح ولا يوبخ أو يقول:هذا
هذا استغلال لوضع السوريين، ورأيت أنه من غير اللائق بنا كشعب عربي أصيل أن نستغل حاجة المحتاج ...يجب علينا أن نكرمهم ونكرم نساءهم بسد حاجاتهم من الغذاء والدواء والملبس والمشرب، ثم ننتظر حتى يفرج الله كربتهم ويعودوا الى ديارهم معززين مكرمين ... ثم نذهب اليهم في ديارهم لنخطب بناتهم منهم، كما يحدث عادةً
يا جماعة أنا والله ناصح الكم أنا مو قصدي شر بس الله سبحانه ما بينخدع هذا الله ... لله عالم بكل شيء يعني إذا عبد فصعون ما خدعتوا رح تخدعوا الله
خافوا الله فينا .مشايخكم عم تدعوا للنكاح بالفتيات من سوريا في الجزائر وغيرها مو عيب يعني مساعدتكم لنا بالشهوة بس ؟ تفضلوا جاهدوا تفضلوا تظاهروا على حكامكن لمساعدتنا تفضلوا ادفعوا أموالكم لله مو للزواج .المساعدة لله مو زواج ؟ سبحانه وتعالى قال مرض عبدي زرتو وجدتني عنده جاع طعميتوا ...وكمان هي متلها يعني شو أستغفر الله.
