واوات الثورة
23شباط2013
م. عاطف محفوظ القاضي
واوات الثورة
م. عاطف محفوظ القاضي
قولي لي يامصر مالك
داخله ف سواد كله حالك
يا رب منعم ومالك
يطيب ويصفى لنا حالك
******
يافجرنا ياناير
قسمونا ليه لشرايح
ثورتنا ليه ف يناير
إيشى جاى كده وإيشى رايح
******
فضائيه ويا محلى
حلل وإرغى ودش
وقفت أنا ف محلى
مع راديو نت ودش
******
خراطيش ودم ومصايب
وبلوك لونه بلاك
والرأى عمره ما صايب
ياشعب فيه إيه بلاك
******
بادعو كريم رب واحد
نسمع على الأذى مات
داحنا ياناس شعب واحد
وكفايه بقى أزمات
******
إتوحدوا ياشعبينا
ليه كل واحد ف عنده
الدم ليه شاع بيننا
ربك يحل من عنده
