يوميات ستي (١٢(

بعد ما صارت ستي يوتيوبر مشهورة من ورى جاجاتها و عنزاتها و بقراتها... صاروا يزورها ناس كبار و أكابر كثير.

و كل ما زارها حدي كانوا يقولوا لستي يا مدام إنتي صرتي مشهورة و شخصية مرموقة و لازم تغيري نمط حياتك

قالت لهم كيف؟

قالوا لها بيتك و عيشتك دقة قديمة كثير، معقول ظل حدا بعصرنا لليوم بيعيش في بيته حيوانات؟.. هذا قن الجاجات و صيرة العنزات و بيت البقرة لازم تلغيهن خالص.

بعد الدق و النق إقتنعت ستي، و بين يوم و ليل طارت ستي على فيلا فخمة، و تركت وراها البيت و الجاجات و العنزات و البقرة .

و صارت تنام على سرير فخم و على إيدها اليمين كلب و على يسارها قطة

و صارت ستي مثل الناس الأكابر .....