من مسجد رابعة للفتح

محبوبة هارون

من مسجد رابعة للفتح

محبوبة هارون

[email protected]

(((بتبكي لسة يا رابعة)))

-- -----------

بتبكي لسة يا رابعة .. انا عارفة دمك سال

بإيدين عتاة البشر .. وكأننا في أدغال

الوحش منهم برئ .. ما أقبح الأعمال

الخاين اللى افترا .. واتغطى بالأوحال

قدامه جثث الشباب .. اتكومت كتلال

وهما نبض البلد .. و أمان لها وآمال

والبلطجي في العيون .. صوال كدة و جوال

يحميه نظام معتدي . يقتل يقول ده نضال

طب ضد مين يا فريق؟ .. ضد الفاشية قال

إخوان شيطان كلهم .. أجيال ورا أجيال

عايزين نبيدهم و نخلص .. نبقى في أحسن حال

أفتى كريمة ونمنم .. و المجرم المختال

متخلفين كلهم .. بيضحوا بالأنجال

أسماء وعمار حبيبة .. و بقية الأبطال

قاعدين في رابعة يصلوا .. و يعلموا الأطفال

بجد حاجة تنرفز .. مع الظلام في سجال

عايزين نخلص عليهم .. شباب بنات و عيال

اعلامنا فيه الكفاءة .. ضلال يغوص في ضلال

قنوات ومتأجرة .. دجالة أو دجال

كداب وغرقان في كدبه .. و ليل نهار شغال

ردح و قلة أدب .. قدوة بقى ومثال

ديمقراطية جديدة .. أصحاب نفاق وشمال

علماء عليهم غضب .. قلبوا الحرام لحلال

ازاي مساجد بتُحرق .. هتقولوا ايه لبلال

الله أكبر عليكم .. ما أشنع الأقوال

الأزهر الحر منكم .. في خجل و سؤال

ضيعتوا هيبتي لماذا؟ .. طول عمري كنت هلال

قولوا لكريمة ورضا .. يلا اشبعوا بالمال

زي القمر في البرامج .. آخر جمال و دلال

مش مكسوفبن دا الجبل ..أمام ضلالكم زال

* * * * *

(((يا رابعة قومى انهضى)))

---------------

يا رابعة قومى انهضى .. محال تهوني محال

قولي لكل شريف .. حطموا الأغلال

قولي لأحرار يناير .. ليه الرؤوس في رمال

ثورتكو ضاعت خلاص .. قدامنا ما في مجال

مضادة رجعت فتية .. والأصل مش ع البال

إجرام مبارك و أكتر .. برعاية أم جمال

تفويض إبادة خدوه .. وبتنطق الأفعال

عيب يا زياد العليمي .. ثار ابن فضل بلال

أحرار تمرد في رابعة .. و شقيق وعم و خال

من أجل ثورة سعادتك .. الدم منهم سال

وانت تأيد بيادة .. عال يا عليمي عال

هتكون وزير ولا باشا .. ارجع دة وقت رجال

قول لوليد ابن فكري ..صاحبك كفاية جدال

ثورة يناير بتنزف .. و الغدر منها نال

أحلامكو فين والكرامة .. حتي الأمل مغتال

وعلى القيم أعلنوا .. حرب وغضب و قتال

يلا احمدوا ربكم .. طيبنا أفتى وقال

بوس إيدك انت و هي .. واقبل حوار ووصال

والبندقية في راسك .. متقطع الأوصال

* * * * *

(((إيه يعني)))

--------

ايه يعني مصر بتبكي .. ارض وسما و جبال

ايه يعني عسكر بيحكم .. تنكر؟ دة احسن حال

هيدربك بالقدم .. و هترفع الأثقال

ايه يعني الاف بتُحرق .. بنخفف الأحمال

مش مشكلة راحوا بدري .. اهو كلنا لزوال

ايه يعني حظر التنفس .. و اللف و التجوال

ايه يعني شايف جثث .. و الدم بقا شلال

عشان ما نشرب ونشبع .. و نوزع الأنفال

ديمقراطية حديثة .. لا قيل بأة ولا قال

وظنون توديك تجيبك .. حلم مريض وخيال

ايه يعني فض اعتصام مجرم سجوده طال

لا صيام معطل جموعه .. و لا حَر بينهم حال

قاعدين في محراب غاظونا .. فدخلنا بالأرتال

من فوق وتحت عليهم .. و يمين كمان و شمال

عشان نخلص بسرعة .. و نحقق الآمال

وتلاقي كل اللى جبنا .. كله لسعادتك آل

و أخدنا إذن تواضروس .. طيب و ابن حلال

قال اصبروا فصبرنا .. لحد باب شوال

صوّر يا خالد يا يوسف .. غنيلنا يا متقال

ايه يعني مسجد يحاصر .. من بلطجى وبطّال

ايه يعني شيماء منير .. شيماء عوض ومنال

شيماء شعيب او شريف منصور هبة و كمال

من مسجد الفتح دوغري .. اتكتفوا بحبال

أصل الشباب انحرف .. و عن الحقيقة مال

بيقوللى دم الشهيد .. طالع لنا في موال

ارهابي امسك مخرب .. ايامه سودة طوال

كان نفسي اكون ارهابية .. لأفوز بأحلى خصال

يا شعب ايه رأيكم .. في دولة الأهوال

المستخبي انكشف .. و احنا في بحر جدال

ثورة يناير بتنزف .. و اتمكن المحتال

يا شعب آدي الجمل .. قدامنا والجمّال